នាង Choo Ja Hyun សោកស្តាយ ចំពោះរូបថតស្រាត
នាង Choo Ja Hyun
តារាភាពយន្តកូរ៉េ នាង Choo Ja Hyun បានសរសេរក្នុងសារអេឡិចត្រូនិកថា មានការសោកស្តាយចំពោះរូបថតស្រាត ដែលត្រូវបានគេផ្សព្វផ្សាយជាសាធារណៈ ហើយទទួលរងការរិះគន់ជាច្រើននោះ។ បើតាមសារព័ត៌មាន Sina.com បានឱ្យដឹងថា នាងពិតជាសោកស្តាយណាស់ ចំពោះរូបថតស្រាតរបស់ខ្ញុំនៅក្នុងគេហទំព័រចិន តែនាងក៏បាននិយាយទៀតថា «ខ្ញុំនឹងរឹងមាំ និង សង្ឃឹមថានឹងថតរឿងថ្មីជាច្រើនទៀត»។ តារាសម្តែងដែលមានជាប់កិច្ចសន្យាជាមួយ បណ្តាញព័ត៌មានចិន CHS Media មិនសូវទទួលបានការចាប់អារម្មណ៍ខ្លាំងពីប្រិយមិត្តចិនឡើយ រហូតដល់បានសម្តែងរួមជាមួយនាង Li Xiaosu តាមកញ្ចក់ទូរទស្សន៍រឿង Hui Jia De You Huo ដែលពេលនេះកំពុងដាក់បញ្ចាំងក្នុងដែនដី កោះតៃវ៉ាន់។ នាងទទួលបានការគាំទ្របំផុតក្នុងតួសម្តែងជានាង Lin Pinru ដែលជាតួស្រីត្រូវប្តីបោះបង់ ចោលនិងខំសងសឹកស្វាមីដែលក្បត់ចិត្ត។
បណ្តាញព័ត៌មានចិន CHS Media បានចេញសេចក្តីប្រកាសថា ខ្លួនដោះស្រាយបញ្ហារូបថតរបស់នាងដែលត្រូវគេយកមកផ្សាយ ដោយសារវាជាឯកសារផ្ទាល់ខ្លួននិងរក្សាសិទ្ធិក្នុងការចេញផ្សាយជាសាធារណៈ ដើម្បីរក្សាកេរ្តិ៍ឈ្មោះរបស់តារារូបនេះ។
