ប្លុកស្នេហ៍ សំរាប់អូន: Khmer star

Showing posts with label Khmer star. Show all posts

ប្រុសតូច សំណាង តារាសម្តែងថ្មីកំពុងទទួលបានការគាំទ្រពីយុវវ័យ

ប្រុសតូច សំណាង តារាសម្តែងថ្មី

រាជធានីភ្នំពេញ ៖ ទោះបីជាតារាសំដែងប្រុស តូចសំណាង ទើបតែចូលប្រឡូកក្នុងវិស័យសិល្បៈរយៈពេលជាង៣ឆ្នាំ តែទេពកោសល្យសំដែងរបស់តារារូបនេះកំពុងតែទទួលបានការគាំទ្រយ៉ាង ខ្លាំង ដោយផលិតកម្មភាពយន្ត និងក្រុមហ៊ុនផ្សាយពាណិជ្ជកម្មបានទាក់ទង និងអញ្ជើញរូបលោកសំដែងជាបន្តបន្ទាប់ ។
ដោយមានចំណង់ចំណូលចិត្ត លើវិស័យសិល្បៈ សំខាន់ការសំដែងធ្វើឱ្យប្រុសតូច សំណាង យកចិត្តទុកដាក់ និងហាត់រៀនផ្នែកសិល្បៈតាំងពីកុមារភាព ។
ប្រុស តូច សំណាង និយាយថា តាំងពីតូចមកម៉្លេះ លោកនឹកស្រមៃចង់ក្លាយជាតារាសំដែងមួយរូប ដែលមានទេពកោសល្យ និងមានប្រជាប្រិយភាព ដូច្នេះហើយទើបរូបលោកយកចិត្តទុកដាក់ និងហាត់រៀនដោយខ្លួនឯងអំពីរបៀបសំដែង និងការប្រើទឹកមុខតាមរឿងភាពយន្តដែលផ្សាយតាមកញ្ចក់ទូរទស្សន៍ ហើយមានពេលខ្លះលោកបញ្ចេញកាយវិការនៅចំពោះមុខក្រុមគ្រួសារក៏ មានដែរ ។

អាស្រ័យដោយចំណង់ចំណូលចិត្ត និងអំណោយទានពីកំណើត រួមទាំងវាសនាកំណត់ផងនោះ លោកត្រូវបានគេហៅឱ្យចូលរួមសំដែងខ្សែវីដេអូជាលើកដំបូងសំរាប់ ដាក់បញ្ចាំងនៅស្ថានីយទូរទស្សន៍ CTN តាមរយៈអ្នកស្រីពាន់ ភួងបុប្ផា ។ ចាប់ពីពេលនោះមក រូបលោកហាក់ដូចជាផ្កាដែលត្រូវទឹកសន្សើម ព្រោះមានផលិតកម្មភាពយន្ត និងក្រុមហ៊ុនផ្សាយពាណិជ្ជកម្មមកទំនាក់ទំនងឱ្យទៅថតខ្សែភាព យន្ត ចំរៀងកាយវិការ និងថតផ្សាយពាណិជ្ជកម្មជាបន្តបន្ទាប់ ។ គិតរហូតមកដល់ពេលនេះ ប្រុសតូច សំណាង ចូលរួមសំដែងភាពយន្ត និងវីដេអូបានចំនួន៩រឿង ថតចំរៀងកាយវិការបានជាច្រើនបទ និងថតផ្សាយពាណិជ្ជកម្មជាច្រើនផងដែរ ។ អ្វីដែលធ្វើឱ្យ លោកមិនទាន់ស្កប់ចិត្តនៅឡើយនោះគឺការសំដែងក្នុងខ្សែភាពយន្ត ទាំង៩រឿង នោះលោកមិនទាន់បានសំដែងជាតួឯកនៅឡើយ ។

ប្រុសតូច សំណាង និយាយប្រាប់អ្នកសារព័ត៌មានថា លោកនឹងខិតខំសព្វបែបយ៉ាង សំខាន់ការបង្កើនសមត្ថភាពសំដែង ដើម្បីក្លាយខ្លួនជាតារាដែលពោរពេញដោយទេពកោសល្យ និងទទួលបានការគាំទ្រច្រើន។ ប្រុសតូច សំណាង អាយុ២៤ឆ្នាំ មានស្រុកកំណើតនៅរាជធានីភ្នំពេញ និងមានបងប្អូន៧នាក់ ។ សព្វថ្ងៃលោកជានិស្សិតឆ្នាំទី៤ផ្នែកទីផ្សារនៅសាកលវិទ្យាល័យន័រ តុន ។ ប្រុសតូចសំណាង មានសំដីរួសរាយគួរឱ្យអ្នកផងចង់រាប់អាន និងមានរថយន្តទំនើបផ្ទាល់ខ្លួន ។ សំណាង និយាយថា ក្តីប្រាថ្នាលើវិស័យសិល្បៈមិនទាន់ដល់គោលដៅនៅឡើយទេ ដូច្នេះរឿងស្នេហា លោកមិនទាន់គិតគូរទេ ៕

ខេង ម៉ារីឌី នារីតួកាចឆ្នាសក្នុងពិភពសិល្បៈភាពយន្ត

ដោយ សារមានរូបសម្ផស្សស្រស់ស្អាតគួបផ្សំនឹង ទេពកោសល្យសំដែងល្អផងនោះ ធ្វើឱ្យកញ្ញាខេង ម៉ារីឌី អាចចាប់អាជីពជាអ្នកសំដែងភាពយន្តចាប់តាំងពីឆ្នាំ២០០៤ រហូតមកដល់បច្ចុប្បន្ន។ កញ្ញាខេង ម៉ារីឌី មានស្រុកកំណើតនៅស្រុកឈូកខេត្តកំពត។ នាងជាកូនទី៤ ក្នុងចំណោមបងប្អូន៧នាក់ ក្នុងនោះមានស្រី៣នាក់។ នាង

បានក្លាយជាអ្នកសំដែងមានទេពកោសល្យល្អបែបនេះ ដោយសារតែមាននិស្ស័យស្រលាញ់សិល្បៈពីកំណើតមក ហើយធ្លាប់ចូលហ្វឹកហាត់រៀនសំដែងក្នុងក្លឹបសិល្បៈមួយក្នុងរាជ ធានីភ្នំពេញ។

ចាប់អាជីពជាអ្នកសំដែងអស់រយៈ ពេល៦ឆ្នាំមកនេះ កញ្ញាម៉ារីឌី ធ្លាប់ចូលរួមសំដែងកាយវិការខារ៉ាអូខេឱ្យផលិតកម្មទាំងក្នុង និងក្រៅប្រទេសជាច្រើនដូចជាផលិតកកម្មអេសអឹម តោមាស រៃមាស អមតៈ មរតក និងសាន់ដេជាដើម។ ក្រៅពីសំដែងកាយវិការខារ៉ាអូខេនាងធ្លាប់ចូលរួមសំដែងក្នុង ខ្សែភាពយន្ត-វីដេអូជាច្រើនរឿង មានរឿង «ខ្មោចនាងតី» «អកព្រាត់ទ្រនុំ» «កែវណាម៉ា» និងរឿង«ស្នេហ៍ក្មេងចិត្តក្មេង» ។ ក្នុងចំណោមរឿងទាំងអស់នោះភាគ ច្រើនអ្នកដឹកនាំរឿងតំរូវឱ្យនាងសំដែងជាតួកាចឆ្នាសឆ្នើម។ ក្នុងឆ្នាំ២០១០ នេះ នាងបានចូលរួមសំដែងក្នុងខ្សែភាពយន្តភាគរឿង «រលកសំលេង» ដែលចាក់ផ្សាយតាមកញ្ចក់ទូរទស្សន៍ CTN រាល់សប្តាហ៍។

កញ្ញា ម៉ារីឌី ថ្វីដ្បិតជាតារាថ្មីមិនទាន់មានកេរ្តិ៍ឈ្មោះល្បី និងក្លាយជាតួឯកពិតមែន តែនាងត្រូវអ្នកដឹកនាំរឿងកោតសរសើរថា ពិតជាសំដែងតួកាចឆ្នាសបានល្អមែន ដូច្នេះហើយសព្វថ្ងៃនាងរីករាយនឹងអាជីពរបស់ខ្លួនខ្លាំងណាស់។ ការចូលប្រឡូកនៅក្នុងពិភពសិល្បៈសំដែងធ្វើឱ្យជីវិតរបស់នាង សប្បាយរីករាយច្រើន ហើយមានឱកាសទៅស្គាល់តំបន់ទេសចរណ៍នានានៅទូទាំងព្រះរាជាណាចក្រ កម្ពុជា។ ក្នុងវ័យ២៣ឆ្នាំនេះ ម៉ារីឌី អះអាងថា បេះដូងនៅទំនេរមិនទាន់ជាប់ពាក់ព័ន្ធស្នេហាជាមួយបុរសណាម្នាក់ ទេ ព្រោះខ្លាចមានរឿងអាស្រូវ៕

ឌុច សុភា សំដែងអោយM

តារាសំដែង ឌុច សុភា បានបង្ហាញរូបនៅក្នុងវីស៊ីឌីវ៉ុល ១៨ និង ១៩ នៅក្នុងផលិតកម្ម M ។

បទចម្រៀងចំនួនពីរបទដែល ឌុច សុភា បានបង្ហាញខ្លួនជាលើកដំបូងនេះរួមមាន បទ “បងជាអ្នកឱ្យអូនអស់ចិត្ត” និង បទ “បើ សិនជាអាចឈប់ call មកអូន” ។ សម្រាប់បទ “បងជាអ្នកឱ្យអូនអស់ចិត្ត” គឺច្រៀងឆ្លើយឆ្លងរវាង សូណូ និង កញ្ញា តាក់ម៉ា ដែលច្រៀងរៀបរាប់ពីស្នេហាបែកបាក់ដែលបុរសម្នាក់បានចាកចោលនាងដោយមិនដឹង មូលហេតុ ។ នៅក្នុងបទចម្រៀងទាំងពីរបទនោះ ឌុច សុភា តុបតែងខ្លួនជានារីម្នាក់ ដែលមានចរិតចាស់ទុំបន្តិច ហើយនាងត្រូវសម្តែងជានារីខូចចិត្តម្នាក់ដែលត្រូវប្រុស បោះបង់ចោលទៅមានអ្នកថ្មី តែបើនិយាយពីរូបសម្រស់វិញ នាងនៅតែស្រស់ស្អាត មិនចាញ់ពេលមុនឡើយ គ្រាន់តែនាងមានសាច់ជាងមុនបន្តិច ។

អតីតស្រីស្អាតដ៏មានទេពកោសល្យ ឌុច សុភា ដែលបានចាកចេញពីសិល្បៈ បន្ទាប់ពីបានរៀបការកាលពីខែកញ្ញា ឆ្នាំ ២០០៩។
ប្រភពព័ត៌មានពីមិត្តភក្តិរបស់ ឌុច សុភា បានបង្ហើបប្រាប់ថា ឌុច សុភា ។មានព័តមានថានៅពេលឆាប់ៗខាងមុខនេះនាងនឹងដើរតួភាពយន្តវិញ ប៉ុន្តែមិនទាន់មានការអះអាងពីនាងនៅឡើយទេ។

កែវ សូរិយា ធីបសិល្បៈ មកស្រវាគម្រោងវិនិយោគ

កំពូល តារាសម្ដែងពូកែខាងសម្ញែងដើមទ្រូង និងផ្ចិត កែវ សូរិយា ដែលបានប្រកាសឈប់ពីសិល្បៈ ដើម្បីយកកម្លាំងទៅវិនិយោគគម្រោងបង្កើតកាស៊ីណូ។ រូបថត សហការី

តារា សម្ដែងល្បីល្បាញខាងសុដន់ទ្រលុកទ្រលន់ កែវ សូរិយា បានប្រកាសជាថ្មីថា នឹងលុបចោលវិថីសិល្បៈ ដែលនាងធ្លាប់តាំងចិត្តចង់បន្តឲ្យមានកេរ្តិ៍ឈ្មោះខ្ពស់ត្រដែត នោះហើយ ដើម្បីងាកទៅកសាងជីវភាពថ្មីមួយ ក្នុងនាមជាអ្នកជំនួញធំ ក្រោយពីនាងមិនអាចសម្រេចក្ដីរំពឹងក្នុងតំណែងលេចធ្លោណាមួយទាល់ តែសោះពីអាជីពសម្ដែង បើទោះជានាងប្រឹងលែងខ្លួនអង្រួនអារម្មណ៍ឲ្យមហាជនជ្រើមជ្រួលនឹង កាយវិការបើកចំហទ្រូង ជាមួយនឹងការបញ្ចេញរន្ធផ្ចិតទាំងផ្ទាំងៗក្ដី។
មុននេះបន្តិច កែវ សូរិយា បានប្រាប់ថា នាងនឹងតស៊ូមិនដើរចោលសិល្បៈឡើយ បើទោះជានាងត្រូវចូលរោងការនាដើមឆ្នាំ២០១១ ខាងមុខ ដើម្បីវិវត្តខ្លួនក្លាយជាថៅកែសណ្ឋាគារ និងផ្ទះសំណាក់តូចធំ ដែលជាចំណែកហ៊ុនរបស់លោក បេ ក្វាន់យុន ជាអនាគតស្វាមីនោះក្ដី។
ប៉ុន្តែ ឆ្លងផុតតែជាងពីរខែប៉ុណ្ណោះ តារាស៊ិចស៊ីរូបនេះ បែរជាប្រកាសឲ្យដឹងថា នាងចាកចេញពីសិល្បៈ ព្រមជាមួយនឹងដំណឹងថា មិនអាចរៀបការជាមួយគូដណ្ដឹងម្នាក់នោះ ដោយជម្រើសងាកទៅធ្វើជំនួញ ខាងផ្នែកបើកហាងកាស៊ីណូធំមួយនៅភាគពាយ័ព្យប្រទេសកម្ពុជាទៅវិញ។
តារា ដែលសម្បូររឿងយីអ៊ុនដាក់អារក្សជាន់ ចាប់តាំងពីនាងរងការវាយប្រហារពីក្រុមក្មេងទំនើងនៅបរិវេណ មជ្ឈមណ្ឌលស្ប៉ាកនោះមករូបនេះថ្លែងថា៖ «ខ្ញុំវាស៊យនោះ គឺស៊យពេកទៅហើយ ព្រោះសូម្បីតែគូដណ្ដឹងក៏ត្រូវគេឆក់យកទៅដែរ អ៊ីចឹងហើយទើបខ្ញុំតាំងចិត្តថា ត្រូវតែផ្អាកសិល្បៈមួយរយៈ ដើម្បីគិតគូរមុខជំនួញបើកកាស៊ីណូមួយនៅច្រកអន្លង់ វែងជាជំនួសវិញ បើមិនអ៊ីចឹងខ្ញុំប្រាកដជាមិនសប្បាយចិត្តទេ»។
នាង និយាយថា ដោយសារតែសិល្បៈនឹងហើយ ទើបធ្វើឲ្យគូដណ្ដឹងរបស់នាង បានស្គាល់តារាមិនសូវល្បីម្នាក់ ហើយបំភ្លេចចោលស្នេហាផ្អែមល្ហែមធ្លាប់សាងជាមួយគ្នាអស់រាប់ ឆ្នាំ។ ដូច្នេះដើម្បីកុំឲ្យឈឺចាប់ និងជៀសវាងដានអតីតកាលគឺមានតែជម្រើសដើរចេញពីការសម្ដែង ហើយងាកទៅវិនិយោគក្នុងគម្រោងមួយនោះប៉ុណ្ណោះ ទើបអាចស្ដារភាពអាប់អួបាន។
តារាដែលធ្លាក់ខ្លួនកំព្រាបេះ ដូង ក្រោយពីត្រូវមិត្តភ័ក្តិរួមអាជីពស៊ីដាច់គូស្នេហ៍លំដាប់ជា សេដ្ឋី រូបនេះនិយាយថា៖ «ខ្ញុំមិនឈឺចិត្ត នឹងត្រូវនាងនោះឆក់ស្នេហាទេ ប៉ុន្តែខ្ញុំខឹងព្រោះវាតែងដើរសម្អុយថា ខ្ញុំអន់ ទើបត្រូវគូដណ្ដឹងទាត់ចោល ដោយថែមទាំងបន្តឌឺដងឲ្យខ្ញុំម្ដងជាពីរដងទៀត»។
ចាប់តាំងពី ដើមឆ្នាំ២០១០មក កែវ សូរិយា ដែលឡើងយីអ៊ុនក្រឺតៗ ក្រោយរឿងអាស្រូវដណ្ដើមប្ដីគេនោះ បានជួបរឿងអកុសលផ្ទួនៗ វាយបំបាក់សតិអារម្មណ៍វិញ ដូចជាបានបើកឡានបុករបាំងបែងចែកថ្នល់នៅម្ដុំវត្តមហាមន្ត្រី រហូតត្រូវមន្ត្រីសាលារាជធានីព្រមាន រងការរិះគន់ពីសំណាក់បុរសម្នាក់តាមរលកវិទ្យុថា ជានារីបង្ហាញប៉ាន់ ត្រូវក្រុមស្ទាវព្រួតវាយបំបែកកញ្ចក់ឡានមុននេះ និងចុងក្រោយគឺត្រូវគូដណ្ដឹងបោះបង់។
តារារូបនេះបន្តថា ដើម្បីជម្រះរឿងស៊យជាប់ៗគ្នា ខ្លួនកំពុងរៀនភាសាកូរ៉េ ដើម្បីទាក់ទាញដៃគូវិនិយោគិន មកពីកូរ៉េខាងត្បូង ឲ្យចុះមកបើកកាស៊ីណូនៅកម្ពុជា តាមលទ្ធភាពដែលអាចធ្វើទៅបាន។
នាង និយាយថា៖ «ក្នុងគម្រោងបើកកាស៊ីណូនេះ ខ្ញុំគ្មានហ៊ុនអីនឹងគេទេ ប៉ុន្តែខ្ញុំស្គាល់ក្រុមហ៊ុនបរទេសនៅកូរ៉េ អ៊ីចឹងហើយទើបខ្ញុំចាំបាច់ត្រូវតែចេះភាសាក្នុងការទំនាក់ទំនង ឲ្យច្រើន»។
តារាដែលធីបចោលសិល្បៈ ដើម្បីសម្រេចមហិច្ឆតាជាមួយក្រុមហ៊ុនបរទេស រូបនេះអះអាងថា ដ្បិតថានាងជាឈ្មួញកណ្ដាល តែបើនាងអាចស្រូបទាញភាគីកូរ៉េ មកបើកកាស៊ីណូនៅអន្លង់វែងបាន នោះនាងក៏នឹងទទួលបានកម្រៃជើងសាខ្ពស់ ព្រមជាមួយនឹងតួនាទីធំដុំមួយផងដែរ។
នាងបន្តថា៖ «បើជោគជ័យនឹងជំនួញហ្នឹង ខ្ញុំប្រាកដជាបានប្រាក់កាសច្រើនពីការចំណេញ អ៊ីចឹងហើយទើបខ្ញុំត្រូវចំណាយពេលសឹងសាមសិបថ្ងៃក្នុងមួយខែ ដើម្បីឡើងចុះកូរ៉េ និងអន្លង់វែងស្ទើរគ្មានពេលបាយផ្ទះ»។
តារា ដែលមានជីវភាពហ៊ឺហា ក្នុងវ័យ ២៥ រូបនេះនិយាយថា ពេលនេះមិនត្រឹមតែសិល្បៈទេ ដែលនាងដកខ្លួន គឺសូម្បីតែជំនួញផ្ទាល់ខ្លួនរួមមានហាងលក់គ្រឿងសម្អាងកាយ និងផ្ទះសំណាក់ ក៏នាងធីបចោលដែរ។
ក្រៅពីអះអាងថា ការខ្នះខ្នែងនឹងគម្រោងវិនិយោគនេះមិនមែនព្រោះតែចង់បញ្ឈឺឲ្យ អតីតគូដណ្ដឹងស្ដាយក្រោយនោះ កែវ សូរិយា តបយ៉ាងសឿងថា៖ «អូកុំច្រឡំ គូដណ្ដឹងខ្ញុំ ទោះជាភ្ញាក់ខ្លួនថាត្រូវស្រីនោះបោក ហើយសុំជានាជាមួយខ្ញុំវិញក៏ដោយ ក៏មិនអាចទទួលបានដែរ។
កែវ សូរិយា បន្តថា ៖ «ខ្ញុំបោះបង់ជំនួញតូចៗ ហើយងាកទៅលូកដៃក្នុងគម្រោងវិនិយោគនោះ គ្រាន់តែចង់ឲ្យមនុស្សមួយចំនួនដឹងថា គេអាចធ្វើអ្នកមានបាន ខ្ញុំក៏អាចដែរតែប៉ុណ្ណោះ»។
ក្រៅពីគម្រោងសង់កាស៊ីណូនៅខេត្ត ឧត្ដរមានជ័យ នាងក៏កំពុងទាក់ទងក្រុមហ៊ុនកូរ៉េថ្មីៗក្នុងគម្រោងវិនិយោគនៅទី តាំងផ្សេងៗផងដែរ អ៊ីចឹងហើយបើកិច្ចការមួយ មិនលេចចេញរូបរាង ក៏រឿងដទៃនឹងជោគជ័យដែរ។
ទាក់ទិននឹងការវិលមកកាន់សិល្បៈ វិញ កែវ សូរិយា ពោលយ៉ាងខ្លីថា៖ «រឿងសិល្បៈ ខ្ញុំពិបាកថាចូលវិញណាស់ តែបើខ្ញុំមានលុយច្រើន ហើយហ៊ឺហាមិនខ្វះដូចបំណង ខ្ញុំនឹងចូលលេងម្ដងទៀត ដើម្បីកែអផ្សុក»៕

លី ច័ន្ទសីហា ផ្ទុះកំហឹងពេលរំលឹករឿងស្នេហាប្រេះឆា

តារាដែលបង្កប់ដោយស្នាមញញឹមគ្រប់ពេល និងទទួលជោគជ័យទាំងអាជីព និងការងារទាំងវ័យក្មេងរូបនេះ កំពុងលាងជម្រះបេះដូងរបស់ខ្លួនដែលបានប៉ះពាល់យ៉ាងធ្ងន់ធ្ងរ ក្នុងការប្រឡូកប្រឡាក់នឹងរឿងស្នេហា ខណៈដែលចាស់ទុំទាំងសងខាងជាអ្នកផ្គត់ផ្គង់ឲ្យរូបនាងមានគូអនាគត ។ ប៉ុន្តែទីបំផុតត្រូវរលាយសាបសូន្យ ក្លាយជាខ្យល់ ពេលចាស់ទុំទាំងសងខាងពាក់មុខយក្សដាក់គ្នា ហើយរំលាយចំណងស្នេហ៍របស់កូនទាំងពាក់កណ្ដាលទីបែបនេះ។ ការមិនចង់រំលឹកដល់រឿងស្នេហានេះ គឺនាងមិនចង់ឲ្យដិតដាមជាប់ ដូចជាស្រមោលអន្ទោលតាមប្រាណព្រោះនេះ គឺជាការឈឺចាប់។

លី ច័ន្ទសីហា បាននិយាយ "វាបានធ្វើឲ្យខ្ញុំឆ្អែតឆ្អន់ និងរាងចាលជាពន់ពេកសម្រាប់ការបរាជ័យស្នេហាទីមួយនេះ"។

តារាសម្ដែងដែលទទួលជោគជ័យ ហើយទស្សនិកជនឲ្យរហស្សនាមថាជាតារាទឹកភ្នែក កម្សត់រកទីបំផុតគ្មាន ដោយគេចាប់ផ្ដើមស្គាល់នាងចាប់តាំងពីដើរតួរឿងមរណមាតាមកម្ល៉េះ នោះ លី ច័ន្ទសីហា បានលើកឡើងថា ធម្មតាចាននៅក្នុងរាវ បើកាលណាមានការប៉ះទង្គិចប្រេះស្រាំហើយនោះ វាមិនអាចផ្សារភ្ជាប់ដូចដើមវិញបាននោះឡើយ។ បើគ្រួសារទាំងសងខាងធ្វើយ៉ាងនេះទៅហើយ គឺវាចប់ស្រេចបាច់អស់ហើយ និងគ្មានមូលហេតុអ្វីធំដំនោះទេ។

ចំពោះការសោកស្ដាយសម្រាប់ខ្ញុំ គឺចេះតែមានហើយ ព្រោះរឿងនេះទាំងទស្សនិកជន ទាំងមិត្តសិល្បៈរួមអាជីព គឺពួកគាត់បានដឹងសុះសាយ ធម្មតាមនុស្សស្រីទាំងអស់ គឺមានចិត្តដូចជាខ្ញុំដែរ។ តារាទទួលបានជ័យលាភីខាងសម្រក់ទឹកភ្នែក និងបានតំណែងជាតួកម្សត់ រហូតមករូបនេះ បានលើកឡើងទៀតថា បញ្ហាដែលខ្ញុំជួបកន្លងមក គឺប្រៀបបីដូចជាឆាកល្ខោនដែលបានសម្ដែងក្នុងសាច់រឿងតែប៉ុណ្ណោះ ហើយខ្ញុំបានឆាវាចោលអស់ទៅហើយ ពេលនេះអ្វីដែលខ្ញុំត្រូវធ្វើ និងឆ្ពោះទៅមុខនោះ គឺធ្វើយ៉ាងណាជួយជ្រោមជ្រែងគ្រួសាររបស់ខ្ញុំ និងមុខរបររបស់ខ្ញុំឲ្យមានដំណើរការរលូនទៅមុខប៉ុណ្ណោះ ហើយក៏លែងខ្វល់ខ្វាយនឹងរឿងស្នេហាទៀតដែរ ព្រោះបន្លាត្រូវបានដកចេញពីទ្រូងរបស់ខ្ញុំបាត់ទៅហើយ។

លី ច័ន្ទសីហា ដែលបានក្លាយជាម្ចាស់ហាងសម្អាងការទាំងវ័យក្មេង បានលើកឡើងទៀតថា បច្ចុប្បន្នការងារសិល្បៈរបស់ខ្ញុំចាប់ផ្ដើមរវល់ច្រើនវិញហើយ ព្រោះនៅរដូវប្រាំងខាងមុខនេះខ្ញុំកំពុងត្រៀមថតខ្សែភាពយន្តថ្មី មួយរឿងទៀត ដែលត្រូវជាវណ្ណកម្មថ្មីរបស់ផលិតកម្ម SCI ដោយខ្សែភាពយន្តនោះ មានចំណងជើងថា "រដឺនមានស្នេហ៍" ដោយក្នុងនោះ ខ្ញុំសម្ដែងជាតួឆ្នាសឆ្នើមកាចវិញម្ដង គឺប្ដូរឥរិយាបថពីតារាទឹកភ្នែកកម្សត់មកជាកាចវិញ ហើយខ្ញុំសម្ដែងបានពាក់កណ្ដោលនិយាយរួម គឺប្រហែលជា ៥០% នៃខ្សែភាពយន្តទាំងមូលហើយ។

សីហា បន្តថា សម្រាប់រឿងថ្មីនេះ អ្នកដឹកនាំបានតម្រូវឲ្យនាងដើរតួជាជនជាតិជប៉ុន ដោយមានតារាសម្ដែង សារ៉ាយ សក្ខិណា ជាតួឯកក្នុងរឿងនេះផងដែរ។ ម្យ៉ាងទៀតក៏មានការមមាញឹកនឹងការថតខារ៉ាអូខេ ឲ្យផលិតកម្មក្រៅប្រទេស ដើម្បីអបអរសាទរក្នុងពិធីបុណ្យជាតិធំៗ ជាក់ស្ដែងដូចជាពេលនេះ ខ្ញុំកំពុងតែថត MTV ឲ្យផលិតកម្មបុប្ផា ដើម្បីត្រៀមអបអរសាទរក្នុងឱកាសបុណ្យអុំទូក និងសំពះព្រះខែខាងមុខនេះ។

គួរបញ្ជាក់ថា លី ច័ន្ទសីហា បានបើកសម្អាងការរបស់ខ្លួន ដែលមានទីតាំងស្ថិតនៅតាមបណ្ដោយផ្លូវជាតិលេខ២ ក្នុងសង្កាត់ ចាក់អង្រែក្រោម ខណ្ឌមានជ័យ រាជធានីភ្នំពេញ។ ការបើកហាងនេះត្រូវបាននាងអះអាងថា ដើមទុកក្នុងបើកហាងសម្អាងការនេះ គឺរបស់ម៉ាក់ប៉ានាងទាំងអស់ បើគិតចំណូលពីការងារសិល្បៈសព្វថ្ងៃរបស់នាង គឺមិនអាចឲ្យនាងមានលទ្ធភាពបើកហាងមួយនេះបានដោយងាយស្រួលនោះទេ ។

លី ច័ន្ទសីហា លើកឡើងថា ការងារ និងសិល្បៈសព្វថ្ងៃ គឺគ្រាន់តែបានផ្ដល់កិត្តិយស កេរ្តិ៍ឈ្មោះ និងការងារបន្តិចបន្តួចសម្រាប់នាងតែប៉ុណ្ណោះ ព្រោះបើរំលឹកទៅចំណូលពីសិល្បៈនេះ មិនអាចឲ្យនាងមានកម្រិតជីវភាពសមរម្យបានឡើយ។ ការបើកហាងសម្អាងការនេះ នាងបង្ហើបថា បានចំណាយដើមទុនអស់ជិត ៦ម៉ឺនដុល្លារ និងមានគ្រប់បែបយ៉ាងទាំងអស់ សម្រាប់អតិថិជនដែលត្រូវការ៕ ប្រភពដកស្រង់ចេញពី ទស្សនាវដ្ដី "ធម្មជាតិ”

កញ្ញាមីន ក្លាយជាតារា

ភាពយន្តឯកសារដែលនិយាយអំពីការ រៀបចំគម្រោងការប្រកួតបវរកញ្ញាមីន និង ជីវិតរបស់ កញ្ញាមីននៅកម្ពុជា ត្រូវ បានដាក់បញ្ចាំងលើកទីមួយនៅសហរដ្ឋ អាមេរិកកាលពីថ្ងៃទី ១៦ ខែតុលា ឆ្នាំ ២០១០ នេះ ប៉ុន្តែមិនបានបញ្ចាំងនៅ កម្ពុជាទេ។

លោក ម័រថិន ត្រាវីក (Morten Traavik) ដែលជាប្រធានគម្រោងរបស់បវរកញ្ញាមីនបានឱ្យដឹងតាម រយៈអ៊ីម៉ែលថា ខ្សែភាពយន្តឯកសារនេះដឹកនាំដោយលោក ស្តេន ហ្វេនហ្គោល (Stan Feingold) ជាមួយនឹង ក្រុមការងារជនជាតិ អាមេរិកាំង និង កាណាដា ។ ខ្សែភាពយន្តមានរយៈពេល ៧១ នាទី និង ១១ នាទីនេះ ។ លោកបន្តថា ខ្សែភាពយន្តនេះត្រូវបានចាប់ផ្តើមថតកាលពីខែធ្នូឆ្នាំ ២០០៨ និង បញ្ចប់នៅខែមករា ឆ្នាំ ២០១០ នេះ ហើយខ្សែភាពយន្តនេះនិយាយពីគម្រោងប្រកួតបវរ កញ្ញាមីន ដែលលើកឡើងពីបញ្ហាដ៏សំខាន់ៗទាក់ទង នឹងឥទ្ធិពលអាក្រក់របស់គ្រាប់មីន និង គ្រាប់មិនទាន់ ផ្ទុះ ហើយនិងលើកឡើងពីការរើសអើងដែលជន រងគ្រោះ និង ជនពិការកំពុងតែប្រឈមមុខនៅក្នុង ប្រទេសកម្ពុជា ។ ដោយការយកភាពក្លាហានដែល គួរឱ្យកោតសរសើរ និង ភាពរឹងប៉ឹងហ្មត់ចត់ផ្ទាល់ ខ្លួនរបស់បេក្ខជនបវរកញ្ញាមីន ខ្សែភាពយន្តនេះបាន ធ្វើឱ្យដំណឹងផ្សព្វផ្សាយរបស់លោក ម័រថិន ដែល និយាយថា “មនុស្សគ្រប់រូបមានសិទ្ធិស្អាត” នោះ កាន់តែមានប្រសិទ្ធភាពឡើងថែមមួយកម្រិតទៀត
កញ្ញា ដូស សុភាព អាយុ ១៩ ឆ្នាំ ដែលជា បវរកញ្ញាមីនជាប់ចំណាត់ថ្នាក់លេខមួយកាលពីឆ្នាំ ២០០៩ និង ជាតួសម្តែងនៅក្នុងខ្សែភាពយន្តឯកសារ នេះបាននិយាយឱ្យដឹង នៅមួយថ្ងៃមុនចាប់ផ្តើមបញ្ចាំងភាពយន្តនេះថា កញ្ញាមីនដឹងពីការចាក់បញ្ចាំងរឿងនោះទេ ដោយ ហេតុថាមិនមានអ្នកណាម្នាក់បានឱ្យដំណឹងដល់រូប នាង ក៏ដូចជាសមាជិកគ្រួសារដទៃទៀតរបស់នាង ដែលបានចូលរួមសម្តែងដែរនោះ ។ នាងបាននិយាយ ថា “ខ្ញុំពិតជាចង់មានវត្តមាននៅក្នុងពេលដែល ខ្សែភាពយន្តនោះត្រូវគេដាក់បញ្ចាំងណាស់ និង ចង់ឱ្យគេ យករឿងនេះមកដាក់បញ្ចាំងជាសាធារណៈ នៅស្រុកខ្មែរដែរ ។ ខ្ញុំពិតជាមានអារម្មណ៍សប្បាយ ចិត្តរកអ្វីមក ប្រៀបមិនបាននោះទេ ព្រោះអីខ្ញុំមិន ដែលនឹកស្មានថាខ្ញុំពិការអ៊ីចឹងហើយនៅមានកម្មវិធី ប្រឡងបវរកញ្ញាមីនទៀត ។ កន្លងមកខ្ញុំធ្លាប់តែ ឃើញតាមទូរទស្សន៍មានគេប្រឡងបវរកញ្ញាសម្រាប់ តែអ្នកជើងមិនពិការ ។ ខ្ញុំពិតជា សប្បាយចិត្តមែន ទែន” ។ កញ្ញា ដូស សុភាព បានបញ្ជាក់ប្រាប់ថា មូលហេតុដែលនាងចង់ចូលរួម និង ចង់ឱ្យគេយក ខ្សែភាពយន្តនោះមកដាក់បញ្ចាំងនៅស្រុកខ្មែរ ព្រោះ ថា ការថតខ្សែភាពយន្តនោះបានធ្វើឱ្យកញ្ញាមានចិត្ត អំណត់ និង ចេះខំប្រឹងតស៊ូឡើងដើម្បីឱ្យដូចអ្នក ដែលមិនពិការ ។ កញ្ញាថា “ម៉្យាងវិញទៀតខ្ញុំចង់ បង្ហាញឱ្យគេដឹងថា មនុស្សពិការក៏មានសមត្ថភាព និង បញ្ញាដូចមនុស្សធម្មតាដែរ ។ កន្លងមកធ្លាប់ មានគេមើលងាយខ្ញុំជាមនុស្សពិការ នេះខ្លាំងណាស់ ។ គេហៅយើងអ៊ីចេះអ៊ីចុះ និង ចំអកឱ្យខ្ញុំថា ពិការអ៊ីចឹង មករៀនអីទៀត មិននៅផ្ទះទៅ ។ ក្រោយពី ថតរឿង ហ្នឹងហើយមក ខ្ញុំមានចិត្តកាន់តែអំណត់ឡើង និង ចង់ ឱ្យគេទទួលស្គាល់ជនពិការនៅក្នុងសង្គមដែរ” ។
កញ្ញា ដូស សុភាព និយាយពីរឿងថតនោះ បន្តទៀតថា ជនបរទេសនោះបានមកថតនាង ឪពុក ម្តាយ និង បងប្អូនរបស់នាង ។ គេប្រាប់ថា គោល បំណងនៃការផលិតជាខ្សែភាពយន្តនោះគឺគេចង់ដឹងពីការរស់នៅរបស់នាង ក៏ដូចជាជីវភាពប្រចាំថ្ងៃរបស់ គ្រួសារនាង និង ពីមូលហេតុដែលបណ្តាលឱ្យនាង ក្លាយជាជនពិការដោយសារ គ្រាប់មីន ។ ការថត នោះធ្វើឡើងនៅក្នុងឆ្នាំ ២០០៩ គឺនៅមុនពេល នាងទទួលបានជើងសិប្បនិម្មិតដែលមានតម្លៃ ប្រ-ហែលជា ២០.០០០ ដុល្លារអាមេរិក ។ នាងថា នាងចំណាយពេលជាង ២ ថ្ងៃក្នុងការថតទាំងនៅ ផ្ទះរបស់នាងនៅ ឯខេត្តបាត់ដំបង និង នៅក្នុង ទីក្រុងភ្នំពេញ ។ វាពិបាកចំពោះនាងដែរនៅពេល ដើរតួនោះ ព្រោះកន្លែងខ្លះ គេឱ្យនាងដើរនៅហាល ថ្ងៃដើម្បីឱ្យមានពន្លឺគ្រប់គ្រាន់ និង គេសួរសំណួរ នាងជាច្រើនផងដែរ ។ ក្រៅពីនោះ គេថតស្ទើរ គ្រប់សកម្មភាពរបស់គ្រួសារនាង ដូចជា ការបោក គក់សម្លៀកបំពាក់ ការចម្អិនអាហារ និង ការហូប ចុកជាដើម ហើយបើតាមនាងដឹង ពួកអ្នកផលិតខ្សែ ភាពយន្តនោះក៏មានថតបេក្ខនារីដែលចូលរួមនៅ ក្នុងការប្រកួតបវរកញ្ញាមីននោះដែរ មិនមែនមាន តែគ្រួសារនាងប៉ុណ្ណោះទេ ។
លោក ដូស អៀង អាយុ ៤៩ ឆ្នាំដែលជា ឪពុករបស់កញ្ញា ដូស សុភាព ក៏បានឱ្យដឹងដែរថា ពួកជនបរទេស ដែលចុះមកថតដល់ផ្ទះរបស់គាត់នោះ បានសួរគាត់ពីរឿងដែលកូនស្រីគាត់ សុភាព ក្លាយ ជាពិការ ។ គាត់បាន ប្រាប់គេថា នាងបានត្រូវមីននៅ ពេលដែលនាងមានអាយុ ៦ ឆ្នាំ នៅក្នុងឃុំអម្ពិល ប្រាំដើម ស្រុកបរវេល ខេត្តបាត់ដំបង គឺឆ្នាំ ១៩៩៦ ដែលនៅពេលនោះគាត់ (ឪពុក) នៅជាទាហានរដ្ឋ កម្ពុជា (របស់រដ្ឋាភិបាល) ។ នៅពេលមុនកើតហេតុ កូនស្រី សុភាព បានទៅសួរសុខទុក្ខគាត់នៅក្នុង ឃុំអម្ពិលប្រាំដើម ។ ស្របពេលនោះ ពួកទាហាន ប៉ុល ពត បានវាយឆ្មក់ចូលមក ។ ពួកគាត់ក៏នាំគ្នា រត់ ហើយទាក់ខ្សែមីន ហៅថាមីន ៦៩ ដែល បណ្តាលឱ្យកូនស្រីគាត់ពិការជើងឆ្វេងម្ខាង ហើយ គាត់រងរបួសត្រង់ដៃឆ្វេងម្ខាងដែរ ។ បន្ទាប់ពីរង គ្រោះដោយសារមីននោះមក ពួកគាត់ក៏ត្រូវគេយកទៅ សង្គ្រោះនៅពេទ្យភូមិភាគប្រាំដែលគេហៅថា ពេទ្យ សូវៀត នៅក្នុងខេត្តបាត់ដំបង ហើយបន្ទាប់មកគាត់ ក៏ត្រូវគេកាត់រំសាយនៅក្នុងឆ្នាំដដែលនោះ បន្ទាប់ពី ចូលធ្វើជាទាហានអស់រយៈពេលជាង ១៤ ឆ្នាំមក (១៩៨៣ ដល់ ១៩៩៦) ។
សូមបញ្ជាក់ដែរថា កញ្ញា ដូស សុភាព រស់ នៅក្នុងភូមិដំណាក់ហ្លួង សង្កាត់វត្តគោ ក្រុងបាត់ដំបង ខេត្តបាត់ដំបង ។ កញ្ញាទើបប្រឡងជាប់ថ្នាក់ទី ១២ ទុតិយភូមិ នៅឆ្នាំ ២០១០ នេះ ។ នាពេលអនាគត កញ្ញាចង់ក្លាយជាអ្នកគណនេយ្យម្នាក់នៅអង្គការ ក្រៅរដ្ឋាភិបាលមួយ ប៉ុន្តែគោលបំណងនោះមិនដឹង ជាបានសម្រេចឬយ៉ាងណានោះទេ ព្រោះគ្រួសារ របស់កញ្ញាមិនមានលទ្ធភាពឱ្យកញ្ញាបន្តការសិក្សា នៅថ្នាក់មហាវិទ្យាល័យ ។
គួររំឭកផងដែរថា កាលពីឆ្នាំ ២០០៩ កន្លងមក នេះ រដ្ឋាភិបាលកម្ពុជាបានហាមមិនឱ្យមានការប្រឡង ជ្រើសរើសកញ្ញាមីននោះឡើយ ព្រោះការប្រកួត នោះអាចជារឿងចំអក ឬ ការមាក់ងាយចំពោះជន ពិការ ៕

កែវ នីសា លេចមុខជាមួយអង្គរក្សនិងរថយន្តទំនើប

កែវ នីសា ដែលសម្ងំលែងរាប់អានជាមួយក្រុមអ្នកសិល្បៈនោះ បានលេចមុខវិញហើយ ក្នុងកម្មវិធីខួបកំណើតតារាសម្ដែងតេង លក្ខណា កាលពីរាត្រីថ្ងៃពុធសប្តាហ៍នេះ នៅសណ្ឋាគារណាហ្គាវើល។ អ្វីដែលគេភ្ញាក់ផ្អើលនោះ គឺនាងបានបង្ហាញមុខជាមួយរថយន្តតម្លៃជាង១០ម៉ឺន Range Rover ពណ៌ខ្មៅថ្មីសន្លាង ព្រមជាមួយនឹងអង្គរក្ស។

បើទោះជាគ្រាន់តែចុះពីលើរថយន្តភ្លាម ស្រាប់តែអង្គរក្សរបស់នាង កែវ និសា តារាល្បីល្បាញ មិនធម្មតាក្នុងពិភពស្នេហាចម្រូងចម្រាស បានបើកចាកចេញទៅចតនៅទីតាំងដែលគ្មានការចាប់អារម្មណ៍ពីសំណាក់ មហាជនក្ដី ក៏រូបភាពហ៊ឺហានេះត្រូវបានអ្នកបានឃើញ តាមមើលមិនដាក់ភ្នែកឡើយ។ តារាដែលឈររ៉េរ៉ នៅមុខក្លោងទ្វារសណ្ឋាគារណាហ្គាវើលមួយរូបកាលពីយប់មិញ បានថ្លែងប្រាប់Sabayថា កែវ និសា ពិតជាឡូយមិនធម្មតាឡើយ ព្រោះរថយន្តដែលជូននាងមកគឺម៉ាក Range Rover ដែលជាស៊េរីចុងក្រោយ មានតម្លៃខ្ពស់។ លោកនិយាយថា «ខ្ញុំឃើញនិសាជិះឡានហ្នឹង ដោយមានអង្គរក្ស ពីរនាក់គឺម្នាក់បើកឡាន និងម្នាក់ទៀតអង្គុយនៅពីមុខ ចាំបើកទ្វារអោយនាងចុះទៀតផង»។ លោកបន្តថា ក្នុងពេលចុះពីឡាន នាងមិនបានញញឹមដាក់មនុស្សដែលនៅជុំវិញខ្លួនទេ គឺសូម្បីតែលោកដែលជាតារាធ្លាប់លេចមុខក្នុងសកម្មភាពសិល្បៈជា មួយនាងម្ដងម្កាល ក៏នាងធ្វើមិនឃើញដែរ។

ដូចគ្នានឹងការអះអាងនេះ កែវ និសា មិនបានផ្ដល់កិច្ចសម្ភាសន៍ណាមួយជុំវិញ ការបាត់ខ្លួនរបស់នាង ក្នុងពិភពសិល្បៈ នៅពេលSabayតាមជជីកសួរឡើយ។ នាងបានត្រឹមតែញញឹម ហើយដើរគេចចេញតែប៉ុណ្ណោះ។ ទោះយ៉ាងណា តារារូបនេះ ហាក់ដូចជាមិនខ្វល់នឹងការប្រមាញ់រូបពីក្រុមអ្នកកាសែតឡើយ ដោយនាងឈរអោយថត ព្រមជាមួយនឹងស្នាមញញឹមធ្វើព្រងើយ បើទោះជានាងធ្វើជាមិនឮអ្នកសារព័ត៌មានសួរនាំ ក្នុងពិធីនោះក្ដី។

កែវ និសា លេចមុខលើកនេះ មិនមែនក្នុងឋានៈជានារីសាមញ្ញដូចមុនឡើយ ខណៈដែលពេលចាកចេញទៅវិញ នាងត្រូវបានរថយន្តទំនើបនោះ បើកមកទទួលដល់មាត់ច្រក ហើយមានទាំងបុរសពាក់អាវជាអង្គរក្ស ស្ទុះចុះមកបើកទ្វារអោយដោយភាពញញើតញញើមនោះទៀត។ នាងចាប់ផ្ដើមហ៊ឺហា ក្រោយពីមានព័ត៌មានថា ត្រូវបុរសវ័យចំណាស់ ដែល មានឥទ្ធិពលម្នាក់ធ្វើការទំនុកបម្រុង។ ទោះយ៉ាងណា ពាក្យចចាមអារ៉ាមទាំងនេះ នៅត្រឹមតែជាការលេចឮដែលគ្មានការពិត និងពោរពេញដោយអាថ៌កំបាំងប៉ុណ្ណោះ ក្នុងពេលដែលនាងមិនព្រមធ្វើការបកស្រាយក្នុងពេលលេចមុខដូច្នេះ។ តាមរយៈការលេចមុខលើកដំបូងនេះ នាងអាចបន្តលេចមុខក្នុងកម្មវិធីសិល្បៈបន្តបន្ទាប់ទៀត បើទោះជាគេមិនច្បាស់ថា នាងនឹងអាចវិលចូលវិស័យសម្ដែងវិញ ឬយ៉ាងណាក្ដី៕

ម៉ាក់សែន សូនីតា ទិញផ្ទះមួយជុងតម្លៃជាង១៨ម៉ឺនដុល្លារ

តារា សម្ដែងល្បីល្បាញវ័យក្មេង នាងម៉ាក់សែន សូនីតា ត្រូវបានគេអះអាងថា ទើបតែទិញផ្ទះមួយជុងតម្លៃជាង១៨ម៉ឺនដុល្លារយ៉ាងហ៊ឺហារ នៅកណ្ដាលក្រុងតាខ្មៅ បើទោះជាម្នាក់ៗលើកឡើងថា នាងនិងលោកឧកញ៉ាម្នាក់ដែលគេសង្ស័យថា ជាអ្នកនៅពីក្រោយភាពឡូយឆាយរបស់នាង បានកាត់ផ្ដាច់ទំនាក់ទំនងគ្នាទៅហើយក៏ដោយ។

អាជីវករ ផ្សារតាខ្មៅចាស់ ពីរបីនាក់ផ្សេងគ្នា ដែលអះអាងមានតូបជាប់កន្លែងលក់មាសរបស់ម្ដាយតារាស្រីរូបនេះ ប្រាប់Sabayថា នាងម៉ាក់សែន សូនីតា ទើបតែទិញផ្ទះមួយជុង នៅជាប់ផ្លូវធំ នៅបរិវេណបុរីផ្សារតាខ្មៅថ្មី ក្នុងតម្លៃជាង១៨ម៉ឺនដុល្លារ កាលពីកន្លះខែមុន។ ប្រភពអ្នកដឹងរឿងច្បាស់ទាំងនោះថ្លែងថា «ខ្ញុំឮម៉ាក់នាង ទើបតែអួតប្រាប់ពួកខ្ញុំថា គាត់ទិញផ្ទះបាននៅទីនោះ តែត្រង់ថា បានលុយមកពីណាគឺខ្ញុំអត់ដឹងទេ ព្រោះខ្ញុំលក់មាសដែរតែអត់សល់លុយដល់ម្ល៉ឹងនោះ»។ អ្នកស្រីសុភា អាជីវករម្នាក់នៅផ្សារតាខ្មៅចាស់ លើកឡើងដូចគ្នាថា «ម៉ាក់អាសូរិយា (សូរិយាបងស្រីម៉ាក់សែន សូនីតា) ទិញផ្ទះហ្នឹង ព្រោះឮថាចង់បើកហាងអោយកូន តែខ្ញុំអត់ដឹងថា ចង់បើកលក់អីនោះទេ»។

ផ្ទះមួយជុងតម្លៃខ្ពស់ ដែលតារាវ័យក្មេងរូបនេះ ទិញបានក្នុងពេលវិបត្តិសេដ្ឋកិច្ច កំពុងកប់ក្បាលនេះ មិនត្រូវបានគេជឿថា ជាចំណែកប្រាក់សុទ្ធសាធ ដែលបានពីសិល្បៈ របស់នាង ឬពីការលក់ដូរមាស និងផ្លាកទីន ដែលម្ដាយរបស់នាង បើកលក់ក្នុងតូបពីរជាប់គ្នា នៅផ្សារតាខ្មៅចាស់នោះទាំង ស្រុងទេ ពោលគឺវាកំពុងតែក្លាយជារឿងរសើបថា មានជំនួយពីខាងក្រៅ ក្រោយពេលម៉ាក់សែន សូនីតា ចាប់ផ្ដើមល្បីល្បាញ។

ដើម្បីចង់ដឹងការពិតនេះ Sabay បានព្យាយាមស្កាត់ជួប តារារូបនេះ ក្នុងឱកាសបង្ហាញម៉ូដនៅចតុមុខ ហើយត្រូវបាននាងទទួលស្គាល់ថា នោះជាព័ត៌មានពិត។ ទោះយ៉ាងណា នាងនៅតែបដិសេធថា មិនមែនជាចំណែកប្រាក់កាស ដែលបានទទួលការឧបត្ថម្ភពីបុរសណាឡើយ។ ម៉ាក់សែន សូនីតា ថ្លែងទាំងចុងមាត់ចុងក ក្រោយបញ្ចប់ការដើរបង្ហាញម៉ូដថា «អូផ្ទះហ្នឹង ទើបតែទិញមែន តែមិនមែនលុយខ្ញុំទាំងស្រុងទេ គឺប្រាក់របស់ម៉ាក់ប៉ាខ្ញុំតើ ខ្ញុំឯណា មានប្រាក់បួនដប់ម៉ឺនទិញផ្ទះនោះ»។ នាងអះអាងថា នាងមិនចង់និយាយរឿងទិញផ្ទះនេះច្រើនទេ ដោយសារតែមិនចង់អោយអ្នកដឹងមានគំនិតគិតថា នាងទិញវាបានដោយសារជំនួយពីខាងក្រៅ។ តារារូបនេះថ្លែង ក្នុងទឹកមុខ មិនសូវនឹងនថា «លុយម៉ាក់ខ្ញុំទេ អ៊ីចឹងហើយទើប តាំងពីខ្ញុំទិញបាន ខ្ញុំអត់ធ្វើពិធីឡើងផ្ទះធំដុំ ព្រោះខ្ញុំអត់ចង់អោយគេថាអញ្ចេះអញ្ចុះ។» រួចក៏សុំទៅផ្លាស់សំលៀកបំពាក់ ធ្វើព្រងើយ ដោយសួម្បីតែសំនួរថា នាងគ្រោងបើកហាងឬ ក៏អត់នោះ ក៏ត្រូវបានបដិសេធឆ្លើយដែរ។ នាងថ្លែងថា «ឈប់សិនបង ខ្ញុំដូរសំលៀកបំពាក់សិន ព្រោះខាងហាងគាត់ប្រញាប់» រួចក៏ដើរគេចចេញបាត់៕

អាង សុនីតា តារាសំដែងរំពឹងថ្ងៃអនាគតក្លាយជាមេធាវី

កញ្ញាអាង សុនីតា ជាតារាសំដែងកាយវិការខារ៉ាអូខេមានវ័យ១៩ឆ្នាំ។ កន្លងមកប្រិយមិត្តទស្សនិកជនពិតជាធ្លាប់បានឃើញទេពកោសល្យសំដែង របស់នាងតាមរយៈស្ប៉តផ្សាយពាណិជ្ជកម្ម ដែលចាក់ផ្សាយតាមកញ្ចក់ទូរទស្សន៍ ជាពិសេសតាមរយៈខ្សែវីដេអូភាគរឿង «ល្មមហើយលោកប្តី» ដែលចាក់ផ្សាយតាមកញ្ចក់ទូរទស្សន៍ប៉ុស្តិ៍លេខ៥ និងរឿង «ផ្ការីកពេញរដូវ» នៅស្ថានីយទូរទស្សន៍អាស៊ី អាគ្នេយ៍ ។ កញ្ញាអាង សុនីតា ឱ្យដឹងថា នាងបានចូលប្រឡូកក្នុងវិស័យសិល្បៈសំដែងទៅ តាមនិស្ស័យចូលចិត្តរបស់នាងតាំងពីឆ្នាំ២០០៨ មក ក្រោយពីប្រឡងជាប់ជាកញ្ញាឯក ប្រ៊ីតស្តុន ចំណាត់ថ្នាក់លេខ៣ ។ ពីដំបូងនាងត្រូវគេជ្រើសរើសឱ្យចូលរួមសំដែងស្ប៉តស្រាបៀរ និងបន្ទាប់មកមានផលិតកម្មជាច្រើនទាំងក្នុង និងក្រៅប្រទេសឱ្យនាងចូលរួមសំដែងកាយវិការខារ៉ាអូខេដូចជា ផលិតកកម្មប៊ិកមែន ឯករាជ្យ Rock និងផលិតកម្មហង្សមាស ។ ក្រៅពីនេះនាងថតស្ប៉តសាប៊ូកក់សក់ ទឹកផ្លែឈើ ជាពិសេសស្ប៉តនិយាយពីទេសចរណ៍។

កញ្ញាអាង សុនីតា ដែលទើបតែចូលប្រឡូកក្នុងវិស័យសិល្បៈជាង២ឆ្នាំនេះប៉ុណ្ណោះ តែមានឱកាសបានចូលរួមសំដែងក្នុងខ្សែវីដេអូជាច្រើនរឿងដូចជា រឿង «សម្លាញ់» «កន្ទោងផ្តាច់ព្រលឹង» «ផ្ការីកពេញរដូវ» «វិទ្យាល័យខ្មោច» «ល្មមហើយលោកប្តី» និងរឿង «ខ្មោចពោះធំ» ជាដើម។ ប៉ុន្តែនាងមិនទាន់បានក្លាយជាតួឯកនៅឡើយទេ ។
ពេលនេះកញ្ញាអាង សូនីតា បែរជាចង់លាឈប់ពីវិស័យសិល្បៈសំដែង ហើយងាកទៅ ប្រកបមុខរបរផ្សេងវិញ ដោយនាងគិតឃើញថា សិល្បៈកាត់កបបានតែនៅពេលនាងមានរូបរាងស្អាត វ័យក្មេង តែពេលនាងមានវ័យចំណាស់សាច់ជ្រីវជ្រួញគេប្រាកដជាលែងហៅនាងថត ហើយ។ នាងគិតថា ពេលនេះនាងត្រូវតែស្វែងរកមុខរបរផ្សេងឱ្យហើយសិន ទើបជាការល្អ ។
កញ្ញា អាង សុនីតា មានមហិច្ឆតាចង់ធ្វើជាមេធាវី នាពេលអនាគត ។ ដោយសារតែជីវភាពឪពុកម្តាយរបស់នាងនៅខេត្តក្រចេះ មានការខ្វះខាត ទើបនាងចូលប្រឡូកក្នុងវិស័យសិល្បៈដើម្បីរកប្រាក់បន្តការ សិក្សាផ្នែកច្បាប់ ប្រាថ្នាក្លាយជាមេធាវី ។ នាងរំពឹងថា នាងតស៊ូ១០ឆ្នាំទៀតនឹងបានលទ្ធផលជាមិនខាន ហើយក៏មិនគិតថា ហួសពេលដែរ ។
តារារូបស្រសក់នេះអះអាងថា ពេលនេះម្តាយរបស់នាងមិនទាន់ចង់ឱ្យនាងមានស្នេហាទេ ចាំ១០ឆ្នាំទៀតទើបឱ្យយកប្តីតែម្តង ។ ទោះបីជាយា៉ងណាក្តី នាងកំពុងតែលួចសំឡឹងមើលបុរសមួយចំនួនថា តើនាងអាចទុកចិត្តផ្ញើជីវិតបានដែរ ឬអត់ ៕

ទឹម រដ្ឋា៖”ការដើរបង្ហាញម៉ូដជាចំណូលចិត្តរបស់ខ្ញុំ”

ក្នុងពិធីឡើងគេហដ្ឋានថ្មីរបស់ អ្នកនាង លី ម៉ារីណា កាលពីយប់មិញតារាបង្ហាញម៉ូដសាច់សខ្ចីរាងខ្ពស់ស្រឡះ ទឹម រដ្ឋា បានលេចមុខដោយការដើរបង្ហាញប្រកបដោយទឹកមុខស្រស់ញញឹមនិង សំលៀកបំពាក់ដ៏ស្រស់សោភា។

កញ្ញាទឹម រដ្ឋាតារាបង្ហាញម៉ូដដ៏ស្រស់ស្អាតបានប្រាប់ Sabay នាពិធីនោះ ថា ការដើរបង្ហាញម៉ូដគឺជាចំណង់ចំណូលចិត្តរបស់រូបនាង។ “ថ្ងៃនេះ ពិតជាមានសេចក្ដីរីករាយយ៉ាងខ្លាំង ដោយបានមកដើរបង្ហាញម៉ូកជូនភ្ញៀវទស្សនាកម្សាន្តក្នុងពិធីឡើង គេហដ្ឋានថ្មីនេះ។”
ក្នុងសំលៀកបំពាក់ឈុតពណ៌ស តារាបង្ហាញម៉ូដរូបរាងស្រស់ស្រលូនរូបនេះ បានបន្តទៀតថា ការដើរបង្ហាញម៉ូដគឺយើងមិនពឹងទាំងស្រុងលើចំណង់ចំណូលរបស់យើង តែម្យ៉ាងប៉ុណ្ណោះទេ សំខាន់ត្រូវខំប្រឹងហ្វឹកហាត់ដោយខ្លួនឯងជាប្រចាំរួមជាមួយនិង ទេពកោសល្យគួបផ្សំផងដែរ។
តារាបង្ហាញម៉ូដ ទឹម រដ្ឋា ជាសមាជិកម្នាក់ក្នុងចំណោមតារាបង្ហាញម៉ូដរបស់ក្រុម Cambodia Supper Modal ដែលទើបតែមានវត្តមានក្នុងពិធីពិព័រណ៍រំឭកខួបល្ខោនស្បែក ខ្មែរនិងរបាំអប្សរាកន្លងទៅថ្មីៗ។

ធី វណ្ណនីដា ពន្លកថ្មីកំពុងរីកក្នុងពិភពសិល្បៈចំរៀង

នៅ ក្នុងពិភពសិល្បៈចំរៀង និងសំដែងកាយវិការខារ៉ាអូខេកញ្ញាធី វណ្ណនីដា ថតឱ្យផលិតកម្មក្នុងប្រទេសមួយចំនួនដូចជាផលិតកម្មប៊ីមី យូស៊ិក និងផលិតកម្មមហាហង្សជាដើម ។
កញ្ញាធី វណ្ណនីដា ក្នុងវ័យ១៩ឆ្នាំ ក្រោយពីចេញលក់ស៊ីឌី និងវីស៊ីឌីវ៉ុលទី១របស់ផលិតកម្មមហាហង្សតាមរយៈបទចង់បានស្នេហ៍ ស្មោះមកកំពុងតែមានការចាប់អារម្មណ៍ខ្លះៗពីសំណាក់មហាជន ជាពិសេសយុវវ័យ ។ នាងមិនត្រឹមតែមានរូបសម្ផស្សស្រស់ស្អាតទេ តែក៏មានទឹកដមសំលេងពីរោះ និងទេពកោសល្យសំដែងរស់រវើក ទៀតផង ។
កញ្ញាធី វណ្ណនីដា ឱ្យដឹងថា សព្វថ្ងៃនេះនាងកំពុងត្រៀមចេញបទចំរៀងថ្មីៗទៀតនៅផលិតកម្មមហា ហង្សតាមរយៈបទរដឺនៗ បែបអ្នកខេត្តសៀមរាប និងខ្មែរសុរិន្ទ គឺបទ «ខ្មៅមានរសជាតិ» និងបទ «អំបុកនាងឈ្ងុយ» ជាដើម ។
កញ្ញាធី វណ្ណនីដា ក្នុងវ័យ១៩ឆ្នាំ មានកំពស់១,៦១ម៉ែត្រ ទំងន់៤៥គីឡូក្រាម ដើមទ្រូងទំហំ៣៤ ចង្កេះ២៥ ត្រគាក៣៥ ។ នាងមានស្រុកកំណើតនៅស្រុកសណ្តាន់ខេត្តកំពង់ធំ និងជាកូនច្បងក្នុងចំណោមបងប្អូន២នាក់ ។
សព្វថ្ងៃនាងស្នាក់ នៅសង្កាត់ទួលទំពូង ខណ្ឌចំការមន ហើយទៅណាមកណាមានឪពុកជាអ្នកជូន ។ នាងបានចាប់អាជីពជាអ្នកចំរៀងក្រោយពីប្រលងជាប់លេខ២ ក្នុងកម្មវិធីយុវតារារបស់ស្ថានីយទូរទស្សន៍បាយ័ននាឆ្នាំ២០០៨ ដោយច្រៀងនៅភោជនីយដ្ឋានណាហ្គាវើល និងថតសំលេងចូលស៊ីឌី ។ ក្រៅពីនេះម្តងម្កាលនាងតែងតែឡើងច្រៀងជាកិត្តិយសនៅលើឆាកប្រគំ តន្ត្រីតាមស្ថានីយទូរទស្សន៍នានា ។
អ្នកចំរៀងរូបនេះចង់ឱ្យយុវវ័យជួយលើកតម្កើងសិល្បៈវប្បធម៌ជាតិ ៕

កែវ សូរិយា ពីអ្នកសិល្បៈតូចតាចក្លាយជាអ្នកមានស្តុកស្តម្ភ ?

មកដល់ពេលនេះតារាបង្ហាញម៉ូដ និង តារាសម្តែងសិចស៊ីបំផុតនៅ កម្ពុជា កែវ សូរិយា បានឈានដល់ កម្រិត កំពូលទៅហើយ គឺនាងមិនស្ថិតជាសិល្បការិនីតូចតាច ដូចមុនទៀតទេ នាងបានក្លាយជាភរិយា ថៅកែហើយនាង នឹងកាន់កាប់សណ្ឋាគារ និង ភោជនីយដ្ឋានមួយចំនួន ។
ព័ត៌មាននេះមិនមែនជាពាក្យចចាមអារ៉ាមនោះទេ ប៉ុន្តែគឺជាពាក្យសម្តីដែលនាង បាននិយាយប្រាប់អ្នក យកព័ត៌មាននៅជិតចុងខែតុលានេះ ។

កែវ សូរិយា ដែលជាតារាចូលចិត្តបញ្ចោញដើម ទ្រូងពិសេសគល់ភ្លៅសខ្ចីរបស់ នាងថតផ្សាយទស្សនាវដ្តីនោះ បាន អួតថាប្តីរបស់នាងគឺ ជាថៅកែជនជាតិកូរ៉េហើយពួកគេ នឹងរៀបការជាផ្លូវការនៅឆ្នាំ ២០១១ ខាងមុខនេះ ។ ទោះបីជានាងនិយាយបែបនេះក៏ ដោយក៏គេមិនសូវជឿនាងដែរ ពីព្រោះកន្លងមកនាងធ្លាប់ បានធ្វើឱ្យផ្ទុះរឿងអាស្រូវជាបន្តបន្ទាប់ ពិសេសនាងធ្លាប់ត្រូវស្ត្រីភរិយាលោក ឧកញ៉ាម្នាក់នៅខេត្តសៀមរាប បរិហាកេរ្តិ៍ថាដណ្តើមប្តីគេ ។ នាងបានពន្លយពាក្យថានាងនឹងក្លាយ ខ្លួនជាអ្នកគ្រប់គ្រងកាស៊ីណូមួយ នៅអន្លង់វែងដែលជាកម្មសិទ្ធិ របស់ឈ្មួញកូរ៉េ ៕